Авторлар:Есерманова Роза Баймухановна, Старшая медсестра, ГКП на ПХВ «Аксуская центральная районная больница» Поликлиника
Мухатаева Асем Елтаевна Медсестра ОП,
ГКП на ПХВ «Аксуская центральная больница» СВА с. Суыксай.
Жолдыбай Қымбат Алтайқызы уч. Медсестра
Жүректің ишемиялық ауруы (ЖИА) – созылмалы инфекциялық емес аурулардың бірі, көбінесе коронарлық артериалардың зақымдалуына байланысты жүрек бұлшықетіне қан жетіспушілігімен сипатталатын ауру. Ол әртүрлі дәрежедегі коронарлық артериялардың атеросклерозына алып келеді. ЖИА – бұл асқынулары бар көптеген патологиялық жағдайларды қамтитын өте кең ұғым, олар стенокардиядан миокард инфарктісіне дейін.
Аурудың негізгі себебі – коронарлық артериялардың атеросклерозбен зақымдануы, тамырларда холестерин түйіншектері пайда болады. Біраз уақыттан кейін түйіншек орнында тромб пайда болуы мүмкін, ол артерияны ішінара немесе толығымен бітеп, жүрек бұлшықетіне оттегінің жеткізілуін тоқтатады.
Жүректің ишемиялық ауруына жүрек стенокардиясы және оның түрлері, жүрек қан тамырларының жіті жетімсіздігі, қан тамырлары қызметінің созылмалы жетімсіздігі, миокард инфарктісі, рефлекторлы стенокардия аурулары кіреді.
ЖИА алғашқы белгілері кеуде аймағындағы ыңғайсыздықпен, қолтық астында, сол қолда, мойында, астыңғы жақта ауырсынумен, үрейдің пайда болуымен, демікпемен, өлім қорқынышымен пайда болады.
Аурудың пайда болып, дамыту факторларына мыналар жатады: дұрыс тамақтанбау, тез дайындалатын тағамдарды, тәтті газдалған сусындарды қолдану, қант пен тұздың мөлшері жоғары болатын өнімдерді артық тұтыну, көкөністер мен жемістерді жеткіліксіз қолдану, дене белсенділігінің төмен деңгейі, салауатты емес дағдылар және мінез-құлқы (алкоголь, темекі).
ЖИА дамуының алдын алу үшін мыналар қажет:
— дұрыс тамақтануды қолға алу;
— қандағы глюкоза концентрациясын қалыпта сақтау;
— дене салмағын қалыпта сақтау;
— зиянды әдеттерден арылу, оның ішінде алкогольдік ішімдіктерді тұтынудан, темекі шегуден бас тарту;
— қозғалыс белсенділігін арттыру;
— күйзелістен аулақ болу немесе онымен күресу;
— қан қысымын бақылау;
— еңбек демалысының оңтайлы арақатынасын сақтау;
— медициналық тексеруден уақтылы өту.
Жоғарыда айтылған қарапайым нұсқауларды орындау миокард ишемиясының қаупін азайтып, алдын алуға алып келеді.
