Авторы: Танабаева Толғанай Абдимажитовна, операциялық мейірбике
Садыкбекова Гулнара Жумановна, посттық мейірбике
Умбеталиева Ботагөз Капаровна, операциялық мейірбике
Кербұлақ аудандық орталық ауруханасы
Медициналық тәжірибеде қолды дұрыс өңдеу – инфекциялардың алдын алудың ең маңызды шараларының бірі. Бұл процесс медицина қызметкерлерінің өздерін және пациенттерін ауруханаішілік инфекциялардың таралуынан қорғауға мүмкіндік береді.
Қолды өңдеудің мақсаты
Қолды өңдеудің негізгі мақсаты – микробтардың таралуын болдырмау, пациентке және медициналық персоналға қауіпсіздік жағдайын қамтамасыз ету.
Микроорганизмдер қайдан пайда болады?
Аурухана ортадағы ластанған беттерден.
Науқастардың терісінен немесе шырышты қабаттарынан.
Жеке қорғаныс құралдарын дұрыс пайдаланбау нәтижесінде.
Қолды өңдеу түрлері
Қолды өңдеу медициналық қызметкерлердің міндеттеріне байланысты әртүрлі деңгейде жүзеге асырылады:
- Гигиеналық өңдеу
Бұл күнделікті қолданылатын әдіс, оның негізгі мақсаты – терінің ластануын және патогенді микроорганизмдерді жою.
Әдісі:
Қолды сабынмен жуу (кемінде 40-60 секунд);
Ағынды жылы суды қолдану;
Қолды мұқият кептіру.
- Антисептикалық өңдеу
Бұл әдіс қолдың терісін патогенді микроорганизмдерден толығымен тазарту үшін қолданылады.
Құралдары:
Антисептикалық ерітінділер (70% этанол, хлоргексидин, спирт негізіндегі антисептиктер).
Әдісі:
Құрғақ қолға антисептикалық ерітіндіні жағыңыз (3-5 мл).
Барлық беттерді, саусақтардың араларын және тырнақ астын ысқылаңыз (кемінде 20-30 секунд).
Ерітінді толық сіңгенше күтіңіз.
- Хирургиялық өңдеу
Бұл әдіс операция алдында қолданылып, толық стерильділікті қамтамасыз етуге бағытталған.
Құралдары:
Стерильді щеткалар;
Антисептикалық ерітінділер (йодофорлар, спирт ерітінділері);
Стерильді қолғаптар.
Әдісі:
Қолдарды және білекке дейінгі бөлікті жылы сумен жуып, антисептикалық сабынмен өңдеу.
Арнайы щеткамен тырнақ астын тазалау.
Антисептикалық ерітіндіні қолдану (екі рет).
Стерильді қолғап кию.
Қолды өңдеу кезеңдері
Гигиеналық жуу алгоритмі:
Қолды жылы ағынды сумен сулау.
Сабын жағып, алақандарды ысқылау.
Саусақтардың арасын, тырнақ астын мұқият жуу.
Қолдың сыртқы бөлігін және білекті жуу.
Қолды таза, құрғақ сүлгімен немесе қағаз сүлгімен кептіру.
Антисептикалық өңдеу алгоритмі:
Антисептик ерітіндісін құрғақ қолға жағу.
Саусақтар мен алақандарды түгел ысқылау.
Қол терісіне ерітіндіні толық сіңіру.
Қолды өңдеудің маңызы
Қолды дұрыс өңдеу:
Ауруханаішілік инфекциялардың таралуын 50-70%-ға төмендетеді;
Пациенттерге қауіпсіз медициналық көмек көрсетуді қамтамасыз етеді;
Медицина қызметкерлерінің өз денсаулығын қорғауына көмектеседі.
Қорытынды
Қолды дұрыс өңдеу – инфекциялардың алдын алу үшін қажет негізгі шаралардың бірі. Гигиеналық, антисептикалық және хирургиялық өңдеу ережелерін сақтау медицина қызметкерлерінің кәсіби жауапкершілігінің маңызды бөлігі болып табылады.
