Автор: Ержанова Гулмарал Ержановна,ШЖҚ «Талдықорған қалалық көпсалалы ауруханасы» МКК Диагностика бөлімінің мейірбикесі
Эндоскопия- адамның ішкі органдарын арнайы аспап-эндоскоп арқылы тексеру. Эндоскптар оптикалық және жарық жүйелерімен жабдықталған, иілгіш металл немесе пластмасса түтікшелер. Эндоскопия хирургияда,гастроэнтерологияда, урологияда, гинекологияда, пульмонологияда жиі қолданылады. Тексерілетін органға байланысты Эндоскопияның бірнеше түрі ажыратылады.
- Фибробронхоскопия (бронх эндоскопиясы)
- Фиброэзофагоскопия (өңеш эндоскопиясы)
- Фиброгастроскопия (асқазан эндоскопиясы)
- Фиброколоноскопия (тоқ ішек эндоскопиясы)
Эндоскопиялық зерттеу тәсілдері:
ФГДС-өңеш, асқазан, ұлтабардың шырышты қабатын зерттеу
Эзофагоскопия-өңештің шырышты қабатын,оның өзгеруін, ісігін, қан кетуін эзофагоскоп аппараты арқылы көре алатын тексеріс.
Фиброгастроскопия— асқазан мен он екі елі ішекті гастроскоп құралы арқылы тексеретін әдіс.
Колоноскопия- тоқ ішектің жоғарғы бөліктерінің шырышты қабатын эндоскопиялық тексеру.
Бронхоскопия – тыныс жолдары арқылы эндоскоппен жұтқыншақтың кіші және ірі калибрлы бронхтардың шырышты қабатын тексеру.
Сондай-ақ Эндоскопия биопсияда, денеге енген бөгде заттарды немесе шырышты қабықтардағы аса үлкен емес ісіктерді алып тастауда да қолданылады. Қазіргі кезде эндоскопия тек ауруды тексеру үшін ғана емес, оларды емдеу тәсіліне айналып отыр. Эндоскопиялық жолмен жасалатын операциялардың дәстүрлі жолмен жасалатын операциялардан ерекшелігі, олардың жарақаты аз, науқас адамдардың оңай операциядан кейін тез жазылып кетуге мүмкіндігі мол.
