Қазіргі таңда еліміздің түрлі өңірлерінде ЖЖБИ (жыныстық жолмен берілетін инфекциялар) бойынша халықты ақпараттандыруға бағытталған дәрістер, тренингтер, кездесулер өткізіліп жатыр. Себебі бұл инфекциялар туралы білім — өзіңізді де, жақындарыңызды да қорғаудың маңызды қадамы.
ЖЖБИ деген не?
Бұл — қорғаныссыз жыныстық қатынас, стерильді емес құралдарды қолдану, немесе анадан балаға босану кезінде жұғатын жұқпалар. Олардың қатарына АИТВ, мерез, хламидиоз, адам папилломасы вирусы (АПВ), В гепатиті және герпес жатады.
Олар қаншалықты қауіпті?
Көптеген ЖЖБИ ұзақ уақыт бойы ешбір симптомсыз өтеді, бірақ салдары ауыр:
- бедеулік,
- жүктілік кезіндегі асқынулар,
- созылмалы қабынулар,
- онкологиялық аурулар (мысалы, жатыр мойны обыры),
- АИТВ жұқтыру қаупі.
Инфекция қалай жұғады?
- Қорғаныссыз жыныстық қатынас,
- Стерильді емес ине, шприц,
- Анадан балаға босану кезінде немесе емізу арқылы.
Қауіпті белгілерге мыналар жатады:
- Ерекше бөлінділердің пайда болуы,
- Несеп шығарғанда қышу немесе ашу,
- Жыныс мүшелерінде жара немесе бөртпе.
Қалай қорғануға болады?
- Әрдайым презерватив пайдаланыңыз,
- Тұрақты тексерістен өтіп тұрыңыз,
- Жыныстық серіктесіңізбен ашық сөйлесіңіз,
- Басқа адамның жеке гигиеналық заттарын пайдаланбаңыз,
- В гепатиті мен АПВ-ға қарсы вакцина алыңыз.
Егер диагноз расталса
- Міндетті түрде ем қабылдау қажет,
- Екі серіктес те емделуі тиіс,
- Емдеу курсын тоқтатпау қажет,
- Қайта тексерілу — емнің ажырамас бөлігі.
Жасөспірімдер мен жастар үшін:
Егер қайда жүгінуді білмесеңіз, өз емханаңыздағы Жастар денсаулығы орталығына барыңыз. Мұнда тегін және құпия түрде кеңес алуға болады.
ЖЖБИ – ескерусіз қалдыруға болмайтын тақырып. Алдын алу мен уақтылы ем – денсаулық кепілі.
