Ағымдағы жылдың алты айында облыс тұрғындарынан міндетті әлеуметтік медициналық сақтандыру үшін 10,6 млрд теңге аударымдар мен жарналар түскен. Ал маусым айында 1,8 млрд теңге көлемінде төлемдер түскен деп хабарлайды zhardem news «Әлеуметтік медициналық медициналық сақтандыру қоры» КЕАҚ Жетісу облысы бойынша филиалы ресми ақпаратына сүйеніп.
Республика бойынша маусым айында түскен жарналар мен аударымдар сомасы 80 млрд теңгені құрады.
Қордың Жетісу облысы бойынша филиалының директоры Иван Самойленко атап өткендей, маусым айында тұрғындардан 1,3 млрд теңге аударымдар және 830 млн.теңгеден астам жарналар түскен. Өңірдің дербес төлеушілері МӘМС үшін жалпы сомасы 35,5 млн. теңгеге жарна аударған. Ал жеке кәсіпкерлер мен жеке практикамен айналысатын тұлғалардан Қорға шамамен 108 млн. теңге түсті.
МӘМС-ке келіп түскен барлық қаражат, сенімгерлік басқару шарты бойынша Ұлттық банкте сақталады және кейіннен МӘМС шеңберінде көрсетілетін қызметтерді төлеуге жіберіледі.
