Республикалық қоғамдық-медициналық апталық газеті

Қажетті екі құжат мақұлданды


11 марта 2016, 03:19 | 1 154 просмотра


АСТАНА. ҚазАқпарат. Еуразиялық экономикалық комиссия алқасының төрағасы Тигран Саркисянның төрағалығымен өткен Алқаның кезекті отырысында сауда, агроөнеркәсіптік кешен және техникалық реттеу салаларындағы мәселелер талқыланды.

Отырысты ашқан төраға Комиссия еуразиялық интеграцияны нығайту бойынша белсендірек ұстанымға мән беру керектігін атап өтті.

ЕЭК Алқасы Еуразиялық экономикалық одақта медициналық өнімдердің ортақ нарығын толық форматта іске қосу үшін қажетті екі құжатты мақұлдады. Бұл тұрғыда медициналық өнімдердің биологиялық әсерін бағалау мақсатында зерттеу жүргізу ережесі, сондай-ақ адам өмірі мен денсаулығына қауіп тудыратын, сапасыз, контрафактілі медициналық өнімдерді тоқтату немесе пайдалануға тыйым салу және ЕАЭО аумағында айналымнан шығару бойынша ЕАЭО-ға мүше мемлекеттірдің өкілетті органдарымен іс-қимыл тәртібі қамтылып отыр.

ЕАЭО елдерінде жалпы нарыққа жіберу мақсатында медициналық өнімдерді мемлекеттік тіркеу кезінде олардың қауіпсіздігі, сапасы және тиімділігін бағалау рәсімдері ескерілген. Медициналық өнімдер айналымының бірыңғай ұстанымы мен ережелері туралы одақтық Келісімге сәйкес, медициналық бұйымдар сәйкестігін растау формасы ретінде оның ЕАЭО мемлекетінің өкілетті органымен тіркелуі болып табылады.

Тіркеу рәсімінен өтпеген медициналық өнімдер ЕАЭО нарығына айналымға шығарылмайды. Тіркеу мақсатында аталған өнімдердің биологиялық әсерін бағалау бойынша зерттеулер жүргізіледі.

«Алайда, қазіргі кезде медициналық өнімдерге сынақ жүргізу қадамдары мен талаптары және оның нәтижелерін рәсімдеу шаралары ЕАЭО мемлекеттерінде әртүрлі. Бұл өз кезегінде жүргізілген зерттеулер нәтижесін өзара растауды және бірыңғай одақтық нарықтың айналымына шығару үшін медициналық өнімдерді тіркеуді тиісті деңгейде атқаруға мүмкіндік бермейді. Медициналық өнімдерге сынақ жүргізудің ЕАЭО үшін бірыңғай ережесін бекіту - бұл проблемаларды жояды»,-делінген ЕЭК хабарламасында.

Бұдан бөлек, Медициналық өнімдер бойынша ЕЭК Алқасымен мақұлданған екінші құжат елдердің өкілетті органдарымен аталған өнімдерді қолдануды тоқтату тұру немесе тыйым салу және айналымнан шығару бойынша шаралардың бірыңғай тәртібін бекітеді.

Атап айтқанда ЕАЭО елдерінде бүгінде адам өміріне қауіп тудыратын өнімдерге тыйым салатын шараларда айырмашылық бар. Осы орайда бұндай өнімге шектеу қою іс-қимылдарын тиімді жүргізуге мүмкін болмайды. Аталған Тәртіпті қабылдау - бұл проблеманың алдын алады.

Еуразиялық экономикалық комиссия Кеңесінің кезекті отырысында Ереже мен Тәртіпті бекіту жоспарланып отыр.

Автор:
Руслан Ғаббасов