Республикалық қоғамдық-медициналық апталық газеті

ТЕНДЕРЛІК ШАРА АҚПАНДА ӨТЕДІ


28 января 2010, 23:12 | 2 088 просмотров



Денсаулық сақтау министрлігі Гемофилиямен ауыратын мүгедектер қауымдастығымен берілген гемофилиямен ауыратын науқастардың саны және оларды емдеу препараттарының жеткіліксіздігі жөніндегі мәліметтері анық емес екендігін хабарлайды.

Қазіргі кезеңде гемофилиямен науқастар тіркеліміндегі мәліметтер бойынша есепте 568 пациент тіркелген, оның 384-і ересек. Салыстырмалы көрсеткіштермен алғанда, бұл 100 мың ер адамға 9,1 құрайды. Көрсетілген мәліметтер 100 мың ер адамға 9-11 әлемдік көрсеткіштеріне сәйкес келіп отыр. Гемофилия ауруы ерекшелігін ескере отырып, қан кету кезінде көмек көрсету қажеттілігіне байланысты науқастар міндетті түрде дәрігердің назарында болады, сондықтан олар автоматты түрде диспансерлеуге жатқызылуы тиіс және тіркелімге енгізіледі.

2004 жылдан бері балаларды және 18 жас-

қа дейінгі жасөспірімдерді VIII және IX факторларымен амбулаториялық деңгейде емдеу үшін дәрілік қамтамасыз ету жергілікті бюджет қаражаты есебінен жүзеге асырылады.

2009 жылдан бері Қазақстан Республикасы Денсаулық сақтау министрлігі гемофилиямен ауыратын ересек науқастарды қанның ұюы А және В факторларымен (VIII и IX) емдеудің амбулаториялық профилактикалық бағдарламасын жасауға бастамашылық етті. Жалпы сома 373 науқасқа 135 млрд. теңгені құрады. Қан факторларының құны 1 науқасқа санағанда 8,2 млн. теңгені құрады. Қажеттілікті құру науқастардың халықаралық стандарттар бойынша өңірлік тіркелімі мәліметтеріне негізделді.

Препараттар 2009 жылдың наурыз - сәуір айларында сатып алынды, сондықтан олар шілде айында жеткізілді. Өңір гематологтары пациенттердің салмағын ескере отырып, қан ұюы факторларына деген қажеттілікті, нау-

қас қанындағы фактор деңгейін, қан кету жиілігін талдау негізінде гемофилиямен ауратын науқастарды дәрілік заттармен қамтамасыз ету кестесін жасады. Бірқатар өңірлерде препараттарды сақтау мүмкіндіктерінің болмауына байланысты науқастардың қолына тек бір жылдық қор беруге рұқсат етілді. Қазіргі кезеңде өңірлерде қан ұюы факторларының жартыжылдық қоры бар, қан ұюы факторларының жетіспеушілігі туралы пациенттер тарапынан шағымдар түскен жоқ.

2010 жылы 384 ересек пациентті қамтамасыз ету үшін республикалық бюджеттен 3,4 млрд. теңге бөлу жоспарланып отыр, ал 184 бала бұрыңғыдай жергілікті бюджет қаражаты есебінен қамтамасыз етіледі.

Бұдан басқа Министрлікке «OCTAPHARMA» (Бельгия) компаниясынан өтініш келіп түсті. Бұл компанияның түрлі елдерде әлемдік стандарттар мен ДДҰ талаптарына сәйкес келетін қазіргі заманғы өндірістік алаңдары бар, сондай-ақ ол 80 елде өз өнімін босатады.

Компания, егер Қазақстан қан плазмасы түрінде шикізат жеткізіп отырса, әкелінетін өнімге (қан препараттары) бағаны 25% -дан аса мөлшерге төмендетуді ұсынды. Бұл ұсынысты қабылдаған жағдайда, Қазақстанның препараттарды көп мөлшерде сатып алмай, ұзақ мерзімді шарт негізінде қан компоненттерімен өндіруші зауыттан тікелей үздіксіз қамтамасыз етілуге мүмкіндігі туады. Бұл келісім-шарт фракциялауының үздіксіз өндірістік үрдісі арқасында мүмкін болмақ.

Осыған байланысты Қазақстан тек осыны ғана емес, басқа да өндіруші зауыттардың ұсыныстарын қарауда.

Бұл шара 2010 жылы көзделген гемофилиямен ауыратын науқастарға арнал

ған препараттарды сатып алу көлеміне әсер етпейтінін айтып өту қажет. Гемофилиямен ауыратын науқастар үшін қан препараттарын сатып алуға арналған тендерлік шаралар 2010 жылдың ақпанында, былтырғы жылмен салыстырғанда, 2 ай ерте басталмақ.

ҚР Денсаулық сақтау министрлігінің Баспасөз қызметі

***

Сыздық Баймұқанов – ҚР Денсаулық сақтау Министрлігі медициналық және фармац ефтикалық бақылау Комитетінің төрағасы:

«Гемофилия ауруын емдеу дәрілерінің бағасы өте-мөте қымбат болғандықтан, аталған науқасқа шалдыққандар қатаң есепке алынған. Егерде, өңірлерде дәрілер жеткіліксіз болса, немесе таусылып қалса, дереу біздің ведомствоға хабарласу қажеттігін сұраймыз. Бұл қымбат дәрі-дәрмектердің жоғалып кеткендігі жөнінен хабар туындап жатса, біз құқық қорғау органдарының көмегімен тиісті шара қолданамыз».