Республикалық қоғамдық-медициналық апталық газеті

Тема: ЗДОРОВЬЕ

Елімізде тері ауруларын емдеудің жаңартылған стандарты бекітілді


10 апреля 2023, 05:26 | 1 686 просмотров


Денсаулық сақтау министрінің бұйрығымен дерматовенерологиялық көмек көрсетуді ұйымдастырудың жаңартылған стандарты бекітілді, деп хабарлайды ҚазАқпарат.

Бұл стандарт Қазақстанда дерматовенерологиялық көмекті ұйымдастыруға қойылатын жалпы қағидаттар мен талаптарды белгілейді.

Дерматовенерологиялық көмек көрсетуді ұйымдастыру тәртібі Халық денсаулығы туралы кодекске сәйкес медициналық көмектің шарттарына, нысандарына сәйкес баяндалған.

Жаңалық ретінде үйде, шұғыл және жоспарлы түрде дерматовенерологиялық көмек көрсету бойынша бөлімдер енгізілген.

Жаңа стандартта штат саны, дерматовенерологиялық көмек көрсететін денсаулық сақтау ұйымдарын жарақтандыру көзделген.

Тері-венерология орталығының құрылымы енгізілді, сондай-ақ дерматовенерологиялық ауруларды анықтау, тіркеу және есепке алу тәртібі, әйелдер мен жаңа туған нәрестелердің ЖЖБИ профилактикасы, диагностикалау, тіркеу ерекшеліктері бойынша тараулар енгізілді.

Автор:
ЖД ақпарат