Республикалық қоғамдық-медициналық апталық газеті

АЛМАТЫ ОБЛЫСЫНДА 166 ЖЕМҚОР ҚЫЛМЫСТЫҚ ЖАУАПКЕРШІЛІККЕ ТАРТЫЛДЫ


8 февраля 2022, 03:55 | 1 261 просмотр



Алматы облысының Сыбайлас жемқорлыққа қарсы Департаментімен өткен жылдың қорытындысы бойынша 166 адам қылмыстық жауапкершілікке тартылып, 102-сі сотталды. Бұл мәліметті Департамент басшысының орынбасары Facebook  желісінде өткен «AntikorLIVE» жобасының тікелей эфирінде айтты.

Ведомство басшысының орынбасары 2021 жылды қорытындылай отырып, превенция және жедел-тергеу бағыты бойынша жұмыс нәтижелерін жеткізді.

«Департамент 2021 жылдың 12 айында 101 қылмыстық құқық бұзушылықты тіркеді, оның ішінде 75 қылмыс сыбайлас жемқорлық болып табылады. Сыбайлас жемқорлық қылмыстарын жасағаны үшін 166 адам қылмыстық жауапкершілікке тартылды. Оның ішінде 23 адам әртүрлі дәрежедегі бірінші басшылар. 102 адам сотталды, оның ішінде 87 адамға 250,4 млн. астам сомаға айыппұл салынды. Бас бостандығынан 8 адам айырылды. Тағы 8 адамның мүлкі тәркіленіп және мемлекеттік қызметте жұмыс атқару құқығынан өмір бойына айырылды», - деді Жандос Жұмабаев.

Департамент басшысының ақпаратына сәйкес, Департамент Мемлекеттік сатып алу мониторингін жүргізу барысында облыс бюджетін тиімсіз қолданбақ болған мекемелерді анықтап, 11 млрд. теңгеге жуық қаражатты үнемдеп қалған. Облыста 425 мемлекеттік және квазимемлекеттік ұйымдарда сыбайлас жемқорлыққа қарсы комплаенс лауазымдары енгізілген. 

«Биыл департамент мамандары жемқорлық тәуекелдері бар мемлекеттік мекемелерге 8 ішкі талдау шарасын жүргізді. Нәтижесінде 143 дерек тіркеліп, жемқорлық тәуекелдерін жою бойынша 100%-ы, яғни, 143 ұсыным орындалды», - деді ведомство басшысының орынбасары.

Айта кету керек, өткен жылғы аяқталған қылмыстық істер бойынша жалпы залал 3,9 млрд.теңгені құрады, оның 3,8 млрд. теңгесі өтелді.

 

Ссылка: https://www.facebook.com/anticorruption.almatyoblysy/videos/908818799792122

Автор:
Департамент Агентства Республики Казахстан по противодействию коррупции