Республикалық қоғамдық-медициналық апталық газеті

Жас сарбаздар ардагермен кездесті


24 декабря 2021, 08:02 | 1 417 просмотров



Сарыөзек гарнизонында орналасқан шабуылдау бригадасына күзде әскерге шақырылған жас сарбаздар Қазақстан Қарулы Күштері және Ауған соғысының ардагері отставкадағы майор Шерғали Нұрғалиевпен кездесуі өтті.

 Іс-шара жастарға әскери-патриоттық тәрбие беру, Отанға, елге деген сүйіспеншілігін қалыптастыру мақсатында ұйымдастырылған.

Жарқын жүздесу барысында ардагер Шерғали Нұрғалиев Қазақстан Республикасының Қарулы Күштерінде қызмет еткен уақытындағы қызықты оқиғаларына тоқталып, олар туралы егжей-тегжейлі айтып берді. 

– Патриоттық тәрбие беру сарбаздардың саналы көзқарасын қалыптастыру деген сөз. Отанға деген патриоттық сезімді өскелең ұрпақтың бойына сіңіру – біз үшін басты мақсат, – деді ардагер.

 Сондай-ақ кездесу барысында мерзімді әскери қызметшілер ардагерге өздерін толғандырған сұрақтарын қойып, тұшымды жауап алды.

– Әскери патриоттық тәрбиенің алар орны ерекше. Аға ұрпақтың лайықты мұрагері болу үшін жастарға халқымыздың Отан мүддесі жолында жасаған ерлік, батырлық істерінің ұлылығын жеке құрамға жете түсіндіру ол біздің міндетіміз, – деп түсіндірді батальон командирінің тәрбие және идеологиялық жұмыстары жөніндегі орынбасары капитан Сәкен Мұхамедияров.

Ардагер де, әскери қызметшілерге ризашылығын білдіріп, алда келе жатқан еліміздің Тәуелсіздік – ұлттық ұлы мейрамымен құттықтап, Отан қорғау істеріне сәттілік тіледі.

 

Автор:
Сарыөзек гарнизоны баспасөз қызметінің бастығы майор Абзал Сартаев