Республикалық қоғамдық-медициналық апталық газеті

Әскери билеттер, телнұсқаларын беру


27 сентября 2021, 09:15 | 996 просмотров



Күнделікті өмірде әскери билеттің маңызы төлқұжат пен жеке куәліктен кем емес. Ол жұмысқа орналасу немесе тұрғылықты жері бойынша тіркелу кезінде міндетті болып табылады. Әскери билет болмауының немесе жоғалуының жағымсыз салдары болуы мүмкін, сондықтан бүгін біз «офицерлерге, сержанттарға, запастағы сарбаздарға әскери билеттер немесе олардың телнұсқаларын (әскери билеттердің орнына уақытша куәліктер) беру» мемлекеттік қызметі туралы айтып бермекпіз.

Қызметті екі жолмен алуға болады:
eGov.kz порталы арқылы:
- Порталда авторизациядан өтіп, «Қызметке онлайн тапсырыс беру» батырмасын басыңыз
- Өтінімді толтырып, оған ЭЦҚ немесе бір реттік құпиясөз арқылы қол қойыңыз
- Жеке кабинетте («Қызметтерді алу тарихы» бөлімінде) сіздің өтініміңіздің өңделуі туралы хабарламамен танысыңыз
ХҚО арқылы:
Сіздің категорияңыз үшін ұсынылған тізім бойынша құжаттарды жинап, жақын орналасқан ХҚО-ға жүгіну болады.
Қажетті құжаттардың санаттары мен тізімін сырғытпадан таба аласыз.
Қызмет құны: Тегін
Қызмет көрсету мерзімі: 10 жұмыс күні
Сондай-ақ өзіңізбен бірге талаптарға сай түсірілген 3х4 фотосуреті болуы керек - фотосурет өтініш берушінің жасына сәйкес келуі және қатаң түрде ашық фонда толық көлемде түсірілуі тиіс, адамның бет-жүзі жалпы фотоалаңының 70%-ын алуы тиіс.

Автор:
«Азаматтарға арналған үкімет»МК» КЕАҚ Алматы облысы бойынша филиалының Қаратал ауданының халыққа қызмет көрсету бөлімі