Республикалық қоғамдық-медициналық апталық газеті

А. Цой медицина қызметкерлерін марапаттау рәсіміне қатысты


18 июня 2021, 08:10 | 1 667 просмотров



Бүгін Денсаулық сақтау министрі Алексей Цой ҚР Денсаулық сақтау министрлігінің медицина қызметкерлері мен ардагерлерін марапаттау рәсіміне қатысты.

«Құрметті әріптестер, Денсаулық сақтау жүйесінің қызметкерлері, сіздерді кәсіби мерекелеріңізбен құттықтаймын! Коронавирустық пандемия кезінде елдің барлық дәрігерлерінің зор бірлескен жұмысының артында шешім қабылдаудағы жетекші стратегиялық рөл, ең бастысы - бұл шешімдер үшін жауапкершілік денсаулық сақтау министрлігінің басшылары мен мамандарына жүктелді. Егер біз бір жыл бұрын болған жағдайды және бүгін неге қол жеткізгенімізді еске түсірсек, онда коронавируспен күресте айтарлықтай алға жылжу мүмкін болды - біз аурудың халық арасында таралуын едәуір бәсеңдете алдық. Сіздердің әрқайсыларыңыз осы күреске лайықты баға жетпес үлес қостыңыздар», - деді А. Цой құттықтау сөзінде.

Министр медициналық қызметкер жоғалту, қателіктер мен жетістіктер болған осы қиын жолдан өту ғана емес екенін атап өтті. Бірақ бұл жұмысты асыра бағалау мүмкін емес. А. Цой коронавируспен күресте бірлесіп қол жеткізген жоғары нәтижелері үшін, атқарылған жұмыстар үшін үлкен алғысын білдірді.

«Медицина қызметкерлері күні» кәсіби мерекесін мерекелеуге байланысты Денсаулық сақтау министрлігінің басшысы облыстардың және Алматы, Нұр-Сұлтан, Шымкент қалаларының денсаулық сақтау басқармаларының медицина қызметкерлерін, орталық мемлекеттік органдардың, денсаулық сақтау министрлігінің орталық аппаратының, оның ведомстволары мен олардың аумақтық бөлімшелерінің, Министрлікке ведомстволық бағынысты ұйымдардың, жеке меншік, оның ішінде медициналық ұйымдардың, үкіметтік емес және кәсіподақ ұйымдарының мамандарын ведомстволық наградалармен марапаттады.

Сонымен қатар, денсаулық сақтау саласындағы көп жылғы және жемісті еңбегі, Денсаулық сақтау жүйесін жетілдіруге белсенді қатысқаны үшін денсаулық сақтау жүйесінің ардагерлеріне «Еңбек ардагері» медалін, «Денсаулық сақтау ісінің үздігі» және «Денсаулық сақтау ісіне қосқан үлесі үшін» төс белгілерін табыс етті. Жалпы марапаттар Денсаулық сақтау жүйесінің 36 қызметкері мен ардагеріне берілді.

А. Цой өз әріптестеріне, облыс әкімдеріне, орталық мемлекеттік органдар басшыларының орынбасарларына – COVID-19-ға қарсы күреске бағытталған іс-шараларды ұйымдастыруға жәрдемдесу бойынша ерекше үлес қосқан барлық адамдарға атқарылған жұмыс және көрсетілген көмек үшін алғысын білдірді.