Қазақстан мен Түркияның жетекші медициналық жоғары оқу орындарының арасында тиісті келісімге қол қойылды.
ҚР Денсаулық сақтау министрі Ақмарал Әлназарова Түркияның денсаулық сақтау жүйесінің елеулі ілгерілеуін атап өтіп, түрік әріптестеріне медициналық білім, ғылым және клиникалық практика мәселелерінде ынтымақтастыққа дайындығы үшін алғыс айтып, түрік әріптестерінің госпиталдық менеджмент пен апаттар медицинасындағы тәжірибесін ерекше атап өтті.
Istanbul Medipol University ректоры Омер Джеран түрік әріптестерінің Қазақстанда медициналық білім мен практиканы жақсартуға бағытталған бірлескен жобаларды іске асыруға дайын екендігін растады.
Келісім Астана медицина университетінің базасында Istanbul Medipol University филиалын ашуды көздейді. Ынтымақтастықтың шеңберінде Istanbul Medipol University оқытушылары мен клиницистері Астанада дәрістер мен мастер-кластар өткізеді. Астана медицина университетінің студенттері мен оқытушылары Түркияның клиникалары мен ғылыми базаларында оқыту мен практикадан өтуге мүмкіндік алады.
Istanbul Medipol University Ыстамбулдағы ең ірі жеке университеттердің бірі болып табылады, ол 2009 жылы құрылған және The Impact Rating World University Rankings және QS World University Rankings сияқты ТОП- 300 және ТОП- 400 әлемдік білім рейтингтерінің қатарына кіреді және Түркияның ТОП-3 жоғары оқу орындарының қатарына кіреді. Университет медицина ғылымы мен технологиясындағы жетістіктерімен танымал, Сонымен қатар Ыстамбулда 13 заманауи университетттік клиникасы бар.
